This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Thursday, December 29, 2011

Մայրը պնդում է, որ դատախազությունը ճնշում է գործադրել դատավորի վրա


«Եթե նախագահի՝ վերջերս արած ուղերձը ճիշտ է, նրա խոսքերն ու գործերը իրար համընկնում են, խնդրում եմ այս գործին ընթացք տալ»:
Լոռու մարզի ընդհանուր իրավասության դատարանը, դատավոր Սուրեն Բաղդասարյանի նախագահությամբ, 1 տարի 8 ամիս տեւած դատաքննությունից հետո, համապատասխանաբար՝ 8 եւ 7 տարվա ազատազրկման է դատապարտել Վանաձոր քաղաքի բնակիչներ՝ 20-ամյա Ռուբեն Գեւորգյանին ու 19-ամյա Սերգո Հարությունյանին:
Ըստ մեղադրական եզրակացության՝ տղաները, ուրիշի գույքը հափշտակելու նպատակով, 2010թ. ապրիլի 23-ին, նախնական համաձայնությամբ, որպես զենք օգտագործվող առարկայի գործադրմամբ հարձակվել են Վահե Ալավերդյանի վրա եւ վերջինիս կյանքի ու առողջության համար վտանգավոր բռնություն գործադրելու սպառնալիքով նրանից հափշտակել 200.000 դրամ:
2010թ. ապրիլի 23-ին, ժամը 23:30-ի սահմաններում, Վանաձոր քաղաքի բնակիչներ Սերգո Հարությունյանը եւ Ռուբեն Գեւորգյանը Հունաստանի Հանրապետության քաղաքացի Վահե Ալավեդյանի մոտ եղած գումարով Սպիտակ-Վանաձոր ավտոճանապարհի 5-րդ կիլոմետրի վրա գտնվող «Ռոսիա» ռեստորանային համալիրի գիշերային ակումբում ժամանակ անցկացնելու նպատակով տաքսի ավտոմեքենայով Վանաձոր քաղաքից Սպիտակ քաղաք՝ Վահե Ալավերդյանին բարեկամի տուն ուղեկցելու պատրվակով, նրան խաբեությամբ տաքսի ավտոմեքենայից իջեցրել են հիշյալ համալիրի բակում եւ տարել չլուսավորվող հատված, որտեղ ուրիշի գույքի հափշտակություն կատարելու նպատակով, Սերգո Հարությունյանի հետ նախնական համաձայնությամբ, Ռուբեն Գեւորգյանն իր մոտ գտնվող եղունգկտրիչի ծալովի դանակի սուր մասը դրել եւ սեղմել է Վահե Ալավերդյանի պարանոցին, նրան տվել կյանքի եւ առողջության համար վտանգավոր սպառնալիքներ եւ պահանջել գումար: Սերգո Հարությունյանը իր հերթին տվել է կյանքի համար վտանգավոր սպառնալիքներ, Վահե Ալավերդյանից պահանջել նրա մոտ եղած գումարը, այնուհետեւ անձամբ վերջինիս անդրավարտիքից հափշտակել 200.000 դրամ:
Դատական քննության ընթացքում, սակայն, Հունաստանում բնակվող տուժող Վահե Ալավերդյանը Հունաստանի Հանրապետությունից նոտարի կողմից վավերացված դիմում էր ուղարկել Լոռու մարզի ընդհանուր իրավասության դատարան՝ հայտարարելով, որ ամբաստանյալներն անմեղ են, իսկ նախաքննական մարմնին ու դատարանում տված ցուցմունքները սուտ են եւ կորզվել են ճնշումների ներքո:
«Ես ոստիկանություն ներկայացրի ոչ ճիշտ տվյալներ՝ իմ կամքին հակառակ: Իմ առաջին հայտարարությունը եւ վկայությունը տվել եմ ալկոհոլի ազդեցության տակ: Դատարանում տվեցի իմ կամքին հակառակ վկայություն: Ես ստիպված էի անել այս գործը, բայց չեմ ուզում մանրամասնել, քանի որ ասելով ճշմարտությունը, շատ մարդիկ կարող են խնդիրներ ունենալ, ես չեմ ցանկանում, որ իմ պատճառով տանջվեն: Ես այս հայտարարությունը անում եմ Հունաստանից, քանի որ այստեղ չեն կարող ինձ ճնշել եւ չեն սպառնում իմ կյանքին, եւ անում եմ իմ խղճից մղված, քանի որ չկարողացա ինձ ներել սուտ վկայության համար, որով դատապարտելու են անմեղ երիտասարդներին մի բանի համար, որ չեն արել»,- նշված է դիմումի մեջ:
Սերգո Հարությունյանի մայրը՝ Արաքսյա Գեւորգյանը, ասում է, որ դատարանը ուշադրության չի արժանացրել այդ փաստաթուղթը՝ այդկերպ ոտնահարելով արդար դատաքննության իրավունքը:
Նա դժգոհ է դատարանի որոշումից. չեղած բանի համար իր որդին ինչու պետք է 7 տարի ազատազրկման ենթարկվի:
Մայրը պնդում է, որ ինչ ձեւով գործը դատախազությունից մտել է դատարան, այնպես էլ մնացել է, ոչ մի փոփոխություն չի կատարվել:
«Ես չգիտեմ՝ էլ ում դիմեմ,  էլ ոնց անեմ, ոնց ապացուցեմ իմ երեխայի անմեղությունը, ոչ մի հիմք չունեն, ապացուցված է, որ ոստիկանության բաժանմունքում երեխաները խոշտանգումների են ենթարկվել: Այս երկիրը միայն դատախազներն են ղեկավարում, եւ դատավորների ձեռքին ոչինչ չկա: Դատավորը ոչ մի արտոնություն չունի: Եթե նախագահի՝ վերջերս արած ուղերձը ճիշտ է, նրա խոսքերն ու գործերը իրար համընկնում են, խնդրում եմ այս գործին ընթացք տա»,- վրդովվում է մայրը:
Նա պնդում է, որ ոստիկանության բաժանմունքում, Սպիտակի քննչական բաժանմունքի պետ Մ. Փանոսյանը առանց փաստաթղթերի դիմում է վերցրել տուժողից, քննել նրան, իսկ Լոռու մարզի դատախազության ավագ դատախազ Ա. Մուքոյանն էլ ճնշումներ է գործադրել դատավորի վրա՝ խոչընդոտելով դատաքննության բնականոն ընթացքը. «Ճնշում են գործադրում, չեն թողնում մարդիկ նորմալ աշխատեն: Եթե նախագահը նշանակում է դատավորներին, ու նրանք չեն կարողանում աշխատել, էլ ինչի են աշխատում էդ մարդիկ: Թող դատախազը հոդվածը դնի ու կալանավորի: Էլ ինչի են տալիս դատավորին: Մի քանի օր առաջ մոտեցել ենք դատավորին, հարցրել, ասել է՝ շատ էլ ուզում եմ արդարացնել, բայց իմ ուժերից վեր է»:
ԱՆՈՒՇ ԲՈՒԼՂԱԴԱՐՅԱՆ
Վանաձոր

Sunday, December 25, 2011

Երանի ողորմածներին, որովհետև նրանք ողորմություն պիտի գտնեն...


«Առավել երանելի է տալը, քան առնելը» (Գործք. 20.35). աստվածաշնչյան հայտնի այս խոսքըորպես կարգախոս ընտրեցին Վանաձորի «Նարեկացի» երիտասարդական միության անդամները` իրականացնելու «Ձեռք մեկնիր» բարեգործական ծրագիրը

Saturday, December 24, 2011

Մայրը պնդում է


Դպրոցի տնօրենն ու ուսուցիչները վիրավորել ու զրպարտե՞լ են իր դստերը
Լոռու մարզի ընդհանուր իրավասության դատարանում, դատավոր Նաիրա Ավետիսյանի գլխավորությամբ, ընթանում է Թամարա Ադամյանի հայցադիմումի քննությունն ընդդեմ Վանաձորի թիվ 11 ավագ դպրոցի տնօրեն Նարինե Սահակյանի եւ նույն դպրոցի ուսուցիչներ Ռանի Վահրամովայի, Նատալյա Նալբանդյանի ու Սյուզաննա Սահակյանի:
Թամարա Ադամյանը դպրոցի տնօրինությանն ու ուսուցչական կազմին մեղադրում է 14-ամյա դստերը՝ Մարիամ Ադամյանին զրպարտելու եւ վիրավորելու մեջ:
Նա պահանջում է հրապարակայնորեն ներողություն խնդրել եւ որպես բարոյական վնասի փոխհատուցում՝ յուրաքանչյուրից բռնագանձել 3 մլն դրամ (1 մլն՝ վիրավորանքի, 2 մլն՝ զրպարտության համար)։
38-ամյա կինը պնդում է, որ դպրոցի տնօրենն ու ուսուցիչները վիրավորել ու զրպարտել են իր անչափահաս դստերը, մեղադրել գողություն եւ դրամաշորթություն կատարելու մեջ, ապա հերքել, նվաստացրել երեխային, այնպիսի բարոյահոգեբանական մթնոլորտ ստեղծել, ինչի պայմաններում երեխայի ուսման շարունակության հարցը տվյալ հաստատություններում անհնար է: «Երեխայիս մեղադրել են ուսուցիչների անուններով զանգեր կատարելու մեջ, այն դեպքում, երբ իրենց կողմից նշված հեռախոսահամարը նշված ժամանակահատվածից էլ շատ առաջ գոյություն չի ունեցել, ռուսերենի ուսուցչուհին դասարանի աշակերտների ներկայությամբ ասել է, թե՝ քո նմանին մայրը պիտի թույն տա, որ խմես, սատկես: Իմ ներկայությամբ երեխային ասել են, թե՝ դու մայր ունենալու իրավունք չունես»:
Թամարա Ադամյանը նշում է նաեւ, որ մինչ իրեն դպրոց կանչելը դպրոցից երբեւէ դստեր պահվածքի մասին դժգոհություններ չի լսել, զարմանում է. եթե դժգոհ էին, ապա ինչու ուսուցիչները մինչ այդ չէին տեղեկացնում իրեն:
«Չգիտեմ այս ամենի պատճառը, բայց այն, որ իմ երեխան նման արարքներ չի կատարել, ես համոզված եմ»,- բացատրում է նա: Ասում է, որ ապրիլի 29-ին է տեղեկացել խոսակցությունների մասին: Իսկ տնօրենի եւ ուսուցիչների հետ հաջորդ 2 օրերի՝ ապրիլի 30-ի եւ մայիսի 2-ի խոսակցությունները ձայնագրել է, հայցադիմումի հետ ներկայացրել դատարան: Մորը, սակայն, ավելի շատ անհանգստացնում է այն հանգամանքը, որ մինչ օրս դուստրը պրոֆիլակտիկ հաշվառման մեջ է ՀՀ ոստիկանության Վանաձորի բաժնի ԱԳ բաժանմունքում:
Թիվ 11 ավագ դպրոցի աշակերտների ծնողների դիմում-բողոքների հիման վրա ոստիկանությունում նյութեր են նախապատրաստվել:
Կատարված ստուգումներով պարզվել է, որ Մարիամ Ադամյանը ցածր դասարանի աշակերտներից պարբերաբար պարտքով որոշակի (50, 100, 110, 500 դրամ) գումարներ է վերցրել:
Դատարանում Թամարա Ադամյանի ներկայացուցիչ իրավապաշտպան Արթուր Սաքունցն այն կարծիքին է, որ դիմում-բողոքներ գրելը կազմակերպված է եղել:
«Դիմումների մեծ մասը մայիսի երկուսին եւ երեքին են գրված: Տարբեր մարդիկ նույն օրը, նույն բովանդակությամբ դիմում գրել չէին կարող: Եթե իրենց ասելով Մարիամի արարքները տեւական բնույթ են կրել, ապա այս ծնողները պետք է տարբեր ժամանակներում դիմում գրեին»,- բացատրում է Սաքունցը:
Դպրոցի տնօրենն ու ուսուցիչները, սակայն, պնդում են, որ իրենք չեն զրպարտել, չեն վիրավորել երեխային:
Դպրոցի տնօրեն Նարինե Սահակյանի եւ ուսուցիչ Ռանի Վահրամովայի ներկայացուցիչ, փաստաբան Արտակ Ոսկանյանը բացատրում է, որ հայցվորը իր եւ իր դստեր պատիվը, արժանապատվությունը արատավորող արտահայտությունների վերաբերյալ դատարանին չի ներկայացրել որեւէ թույլատրելի ու վերաբերելի ապացույց, ուստի պատասխանողները հայցվորի եւ նրա դստեր պատիվը եւ արժանապատվությունը արատավորող արտահայտություն չեն կատարել:
«Հետեւաբար, վիրավորանքի կամ զրպարտության փաստի բացակայության պայմաններում հայցվորի պահանջը դառնում է ամբողջովին հիմնազուրկ»,- բացատրում է փաստաբանը:
Դատարանում Նատալյա Նալբանդյանի ու Սյուզաննա Սահակյանի ներկայացուցիչ, փաստաբան Ռուբեն Հակոբյանն էլ հավելում է, որ ըստ էության հայցն անհիմն է եւ ենթակա է մերժման:
«Անգամ, եթե պայմանականորեն ընդունենք, որ հայցվորի ու նրա դստեր պատիվն ու արժանապատվությունը արատավորող արտահայտություն կատարելու, ինչպես նաեւ իրականությանը չհամապատասխանող փաստացի տվյալներ ներկայացվելու փաստերն առկա են, ապա նույնիսկ այդ պարագայում սույն գործով ՀՀ քաղաքացիական օրենսգրքի իմաստով վիրավորանքի եւ զրպարտության մասին խոսք լինել չի կարող, քանի որ հայցվորի եւ նրա դստեր մասին որեւէ հրապարակային արտահայտություն, այն էլ՝ արատավորելու նպատակով, չի կատարվել, հայցվորի եւ նրա դստեր վերաբերյալ փաստացի տվյալներ հրապարակայնորեն չեն ներկայացվել»,- բացատրում է Ռուբեն Հակոբյանը:
Հակառակ սրան՝ դատարանում հայցվորի ներկայացուցիչ Արթուր Սաքունցը նշում է, որ անգամ դպրոցի տնօրենի սենյակը հրապարակային վայր է, որտեղ ծավալվում են որոշակի դեպքեր, հարաբերություններ:
«Ոչ անձնական օգտագործման տարածքներում, որտեղ տեղի են ունենում նման երեւույթներ, այդ վայրերում ցանկացած արտահայտություն, առավել եւս ուսուցիչների ներկայությամբ, հրապարակային է»,- ասում է Սաքունցը: Նա դեմ է առարկություններին եւ պնդում է հայցապահանջը:
Հաջորդ դատական նիստին դատարանը կլսի հրավիրված վկային:
ԱՆՈՒՇ ԲՈՒԼՂԱԴԱՐՅԱՆ
Վանաձոր

Thursday, December 22, 2011

Տուժողի իրավահաջորդը, առանց դատարանի թույլտվության, հեռացավ դատարանի դահլիճից


Լոռու մարզի ընդհանուր իրավասության դատարանում, դատավոր Սուրեն Բաղդասարյանի նախագահությամբ, շարունակվում է Մեծ Պարնի գյուղի բնակիչ Թադեւոս Գեւորգյանի դատաքննությունը:
Դատական նիստի սկզբում դատավոր Բաղդասարյանը դահլիճում ներկա գտնվողներին տեղեկացրեց, որ սույն գործով տուժող Վարդան Արզումանյանի իրավահաջորդի ներկայացուցիչը՝ փաստաբան Աննա Դավթյանը, դիմում է ներկայացրել դատարան՝ խնդրելով հետաձգել գործի քննությունը: Նա բացատրել էր, որ զբաղված է մեկ այլ դատական գործով:
Դատավորը, սակայն, փաստաբանի վերաբերմունքը համարեց անհարգալից եւ որոշում կայացրեց գործի քննությունը շարունակել առանց նրա:
Դատարանը բացատրեց, որ փաստաբան Դավթյանն իր խնդրանքն առանց հիմնավորող փաստաթղթերի է ներկայացրել. Աննա Դավթյանի ներկայացրած դիմումի մեջ բացակայում էր այլ դատական նիստի վերաբերյալ ծանուցագիրը կամ որեւէ գրություն այդ մասին: Բացի այդ՝ նա չէր նշել, թե կոնկրետ որ գործով, ում նախագահությամբ ընթացող դատական նիստի է մասնակցում:
Դատավորի կայացրած որոշումից հետո, սակայն, տուժողի իրավահաջորդ Արամայիս Արզումանյանը, առանց դատարանի թույլտվության, դուրս եկավ դահլիճից՝ պատճառաբանելով, որ ինքն առանց փաստաբանի չի ցանկանում մասնակցել քննությանը:
Կողմերի հավասարության սկզբունքը չխախտելու համար էլ դատավոր Սուրեն Բաղդասարյանը գործի քննությունը հետաձգեց:
Թադեւոս Գեւորգյանի փաստաբան Ռուբեն Հակոբյանը փաստաբան Աննա Դավթյանի չներկայանալը մտածված քայլ է համարում, մեղադրող կողմից ընտրված մարտավարության ձեւ:
«Արամայիս Արզումանյանը չէր կարող տեղում կողմնորոշվել եւ լքել դահլիճը: Այդ ամենը նախապես պլանավորված է եղել»,-կարծիք է հայտնում փաստաբան Հակոբյանը:
Ըստ նրա՝ մեղադրող կողմը, իմանալով, որ այս դատական նիստին պետք է հարցաքննվեն առանցքային վկաներ, ամեն ինչ արեց՝ նրանց հարցաքննությունը ձախողելու համար:
«Վկաներից մեկը յոթ տարեկան է, մյուսն էլ՝ անկողնային հիվանդ: Գիտեին, որ այս մարդիկ դժվարությամբ են ներկայանալու դատարան, անկողնային հիվանդ է, մի կերպ եկել-հասել էր: Հաջորդ անգամ հնարավոր է՝ առողջությունը թույլ չտա: Իրենք այդ մասին լավ գիտեին: Տեսնելով, որ եկել են, դիմեցին այդ քայլին»,- բացատրում է փաստաբանը:
Դատական նիստին հրավիրվել էին այն վկաները, ովքեր նախաքննության փուլում հարցաքննվել, սակայն չէին ընդգրկվել դատակոչում:
Փաստաբանի միջնորդությամբ էր հնարավոր դարձել նրանց դատարանում լսելը:
Դատական նիստերի դահլիճից դուրս գալիս Մեծ Պարնի գյուղի մի շարք ներկայացուցիչներ փաստաբան Հակոբյանին հայտնեցին, որ մինչեւ դատական նիստի սկսելն իրենք դատարանի տարածքում տեսել են փաստաբան Աննա Դավթյանին:
Վերոնշյալ հանգամանքի առթիվ դիմում է գրվել դատավոր Սուրեն Բաղդասարյանին:
«Եթե պարզվի, որ փաստաբանը դատարան է ներկայացրել կեղծ դիմում, որ նա դատարանում է եղել, բայց այսպիսի մեթոդներով նիստին չի մասնակցել, ապա նա պետք է ենթարկվի պատասխանատվության, փաստաբանական պալատն էլ նրա նկատմամբ պետք է կարգապահական վարույթ հարուցի»,- ասում է Ռուբեն Հակոբյանը:
27-ամյա Գեւորգյանին մեղադրանք է առաջադրվել համագյուղացու նկատմամբ բռնաբարության փորձ կատարելու, ինչպես նաեւ ճանապարհային երթեւեկության եւ տրանսպորտային երթեւեկության շահագործման կանոնները խախտելու համար:
ԱՆՈՒՇ ԲՈՒԼՂԱԴԱՐՅԱՆ
Վանաձոր
«Առավոտ» օրաթերթ

Wednesday, December 21, 2011

Ինֆեկցիոն հիվանդանոցի տնօրենին արդարացրին


Դեկտեմբերի 21-ին Լոռու մարզի ընդհանուր իրավասության դատարանում դատավոր Նարինե Հովակիմյանի նախագահությամբ ընթացող դատական նիստի ժամանակ մինչ խորհրդակցական սենյակ անցնելը, Լոռու մարզի դատախազության ավագ դատախազ Արթուր Պողոսյանը հրաժարվեց Ռոբերտ Չիլինգարյանի դեմ ներկայացրած մեղադրանքից:
Մեղադրողը բացատրեց, որ Չիլինգարյանի արարքում հանցագործության հատկանիշ չկա: Պաշտպան Կարեն Թումանյանն էլ դատախազի միջնորդության դեմ չառարկեց , նշելով, որ դատախազը նման կարծիք պիտի ունենար գործը մինչ դատարան ուղարկելն ու մեղադրականը հաստատելը:
Դատավոր Նարինե Հովակիմյանն արձակեց արդարացման դատավճիռ:
Ռոբերտ Չիլինգարյանը Վանաձորի ինֆեկցիոն հիվանդանոցի գործադիր տնօրենն է, բժիշկ:
Նրան մեղադրանք էր առաջադրվել հարկային մարմիններին ներկայացրած հաշվետվությունները միտումնավոր խեղաթյուրելու համար, ինչի արդյունքում, ըստ մեղադրանքի, պետբյուջե 5.138.800 ՀՀ դրամ պակաս էր վճարել:

Անուշ ԲՈՒԼՂԱԴԱՐՅԱՆ
Վանաձոր

Sunday, December 18, 2011

Zeitgeist 2011: Տարվա որոնումները՝ Google-ի աչքերով

Friday, December 16, 2011

Վնասազերծո՞ւմ. Արման Ենգիբարյանի հոր ներկայացուցիչը դիմում է ուղարկել Մարդու իրավունքների եվրոպական դատարան


Այս տարի ամռանը հետապնդման ժամանակ ոստիկանների կողմից վնասազերծման արդյունքում մահացած Արման Ենգիբարյանի հոր եւ կնոջ ներկայացուցիչ, փաստաբան Էդմոն Մարուքյանը նախնական դիմում է ուղարկել Մարդու իրավունքների եվրոպական դատարան` նրա նկատմամբ ոստիկանների գործողությունները ՄԻԵԿ –ի 2-րդ, 13-րդ եւ 6 –րդ հոդվածի 2-րդ մասով խախտումներ ճանաչելու պահանջով:
2011-ի հունիսի 14-ին Երևանի մետրոպոլիտենի «Գարեգին Նժդեհ» կայարանի մոտ ոստիկանները սպանել էին Արման Ենգիբարյանին` ըստ պաշտոնական վարկածի` «նախազգուշացնող կրակոցից հետո վնասազերծելով» նրան` որովայնին ու գլխին կրակելով:
Հատուկ քննչական ծառայության (ՀՔԾ) տվյալներով` Ենգիբարյանը կասկածվել էր որպես այս տարվա ապրիլ-մայիս ամիսներին Երևանում բնակարաններ ավազակային հարձակումներ կատարած անձ ու հետապնդվել, չենթարկվելով ոստիկանների պահանջներին`Արմանը մարդաշատ վայրում զենք էր կիրառել` ոստիկանների դեմ օգտագործելով օրինական կերպով իրեն պատկանող գազային ատրճանակը:
ՀՔԾ-ից «Մեդիալաբին» հայտնել էին, որ Արման Ենգիբարյանի դեպքի առնչությամբ հարուցված քրեական գործով 2011 թվականի հուլիսի 21-ին որոշում է կայացվել ոստիկանության աշխատակիցների նկատմամբ հետապնդում չիրականացնել, քանի որ նախաքննությամբ պարզվել է, որ Արման Ենգիբարյանին վնասազերծած ոստիկանության ծառայողների գործողությունները եղել են իրավաչափ:
Համաձայն չլինելով ՀՔԾ-ի որոշման հետ` Արմանի հարազատները դիմել էին Կենտրոն եւ նորք-Մարաշ վարչական շրջանների դատարան:
Ըստ նրանց` իրենց որդուն ոստիկանները սպանել են, իսկ գործողություններն էլ օրինաչափ չեն եղել: Արմանի երկու երեխաներն էլ մնացել են առանց հայրական խնամքի:
«Դատարանն, ըստ էության, առանց որեւէ պատճառաբանության, մերժել է մեր բողոքը: Դատարանի որոշումը բողոքարկել ենք ՀՀ վերաքննիչ քրեական դատարան»,-ասում է փաստաբան Մարուքյանը:
«Հասկանալով որ Հայաստանի Հանրապետությունում սույն գործով արդյունավետ քննություն չի տարվում, գիտակցելով, որ Արման Ենգիբարյանի կյանքի իրավունքի խախտման օրվանից 2011 թվականի հունիսի 14-ից արդեն անցել է 5 ամիս ժամանակ, ՄԻԵԴ դիմելու 6 ամսյա ժամկետը բաց չթողնելու նպատակով որոշում կայացվեց նախնական բողոքով դիմելու Մարդու Իրավունքների Եվրոպական Դատարան»,-բացատրում է փաստաբանը:
Նա ասում է, որ Արման Ենգիբարյանի կյանքի նկատմամբ Հայաստանի Հանրապետության կողմից միջամտություն
է տեղի ունեցել: Բացի այդ` Հայաստանի Հանրապետության կողմից Արման Ենգիբարյանին ոստիկանության աշխատակցի կողմից սպանելու փաստի առթիվ չի տարվել արդյունավետ քննություն:
«Անմեղության կանխավարկածն էլ է խախտվել ` կապված ՀՀ ոստիկանապետի հայտարությունների հետ: Արմանի հարազատներին նախաքննության ընթացքում որեւէ կարգավիճակ չի տրվել` այդկերպ զրկելով նրանց արդյունավետ պաշտպանության միջոցներից»:
Նա բացատրում է, որ Արմանի հարազատները մասնակից չեն դարձվել նախաքննության ընթացքին, ավելին, մինչ օրս նրանք զրկված են իրենց որդու բարի անունը պաշտպանելու իրավունքից:
Սակայն դիմելով Մարդու իրավունքների եվրոպական դատարան` փաստաբանը մտադիր չէ ներպետական ատյաններում կասեցնել գործի քննությունը. ռազմավարական դատավարություն իրականացնելու միջոցով են ուզում Արման Ենգիբարյանի խախտված իրավունքները վերականգնել:
«Բնականաբար, Եվրոպական դատարանին զուգընթաց, բողոքները շարունակելու ենք ներպետական ատյաններում, վերջիններիս կայացրած որոշումների մասին էլ կտեղեկացնենք դիմումի լրացումներում»,-եզրափակում է Էդմոն Մարուքյանը:
Անուշ Բուլղադարյան
Վանաձոր

«Մենք էդ կոպեկներով ենք ապրում»




Տուժողները պահանջում են հետ ստանալ իրենց կենսաթոշակները




Լոռու մարզի ընդհանուր իրավասության դատարանում, դատավոր Մուշեղ Հարությունյանի նախագահությամբ, ընթանում է շարունակաբար, միասնական դիտավորությամբ կենսաթոշակառուների գումարները յուրացնելու, առեւտրային կաշառք ստանալու եւ պաշտոնական փաստաթղթեր կեղծելու եւ օգտագործելու մեջ մեղադրվող վանաձորցի Շողիկ Վարդումյանի դատաքննությունը:
Վանաձորցի կնոջը մեղադրանք է առաջադրված ՀՀ քրօրի 179 հոդվածի 3-րդ մասի 1-ին կետով, 325 հոդվածի 1-ին մասով, 200 հոդվածի 3-րդ մասով:
Դատարան հրավիրված 73-ամյա տուժող Սուրեն Հովհաննիսյանը հայտնեց, որ Ռուսաստանի Դաշնություն մեկնելուց առաջ գնացել է փոստային բաժանմունք՝ տեղեկանալու, թե արդյո՞ք անհրաժեշտ է գնալ սոցապ վարչություն՝ ժամանակավոր սառեցնելու համար կենսաթոշակային գումարները:
«Ասաց, թե չէ, պետք չի, կգաս, փողդ կստանաս: Ընդամենը տեղեկատվություն եմ ստացել, ես իրեն էլ ոչ մի առաջարկ չեմ արել»,- դատարանում պատմում էր տուժողը:
Վերադարձից հետո իմացել է կենսաթոշակի «յուրացման» մասին:
«Յուրացրել է մեր բոլորի կոպեկները, դա իմ կոպեկներն ա, իմ թոշակն ա, մենք էդ կոպեկներով ենք ապրում: Պահանջում ենք, որ հետ տա մեր գումարները»,- ասում է Սուրեն Հովհաննիսյանի կինը՝ Ալվարդ Տոնոյանը:
Ըստ մեղադրանքի՝ Շողիկ Վարդումյանը յուրացրել է նաեւ նրա կենսաթոշակը:
«176.000 դրամ իմն ա, 134. 000՝ ամուսնունս».-նշում է նա:
Ըստ մեղադրական եզրակացության՝ 47-ամյա Շողիկ Վարդումյանը, աշխատելով «Հայփոստ» ՓԲ ընկերության Վանաձորի փոստային բաժանմունքի պետի պաշտոնում, շարունակաբար, միասնական դիտավորությամբ, 2007թ. հոկտեմբերից մինչեւ 2010թ. սեպտեմբեր ամիսն ընկած ժամանակահատվածում, իր պաշտոնեական դիրքն օգտագործելով, յուրացման եղանակով հափշտակել է կենսաթոշակառուների առանձնապես խոշոր չափերով՝ 3.739.291 ՀՀ դրամ կենսաթոշակային գումարները:
Բացի այդ՝ 2009թ. հունվարից 2010թ. հունիսն ընկած ժամանակահատվածում կեղծել եւ օգտագործել է իրավունք վերապահող պաշտոնական փաստաթղթեր եւ հանդիսանալով շահույթ հետապնդող առեւտրային կազմակերպությունում կառավարչական գործառույթ իրականացնող ծառայող՝ ստացել է առեւտրային կաշառք: Դատաքննությունը շարունակվում է:
ԱՆՈՒՇ ԲՈՒԼՂԱԴԱՐՅԱՆ
Վանաձոր

Thursday, December 15, 2011

Репортаж про митинг для программы Москва24/7

Wednesday, December 14, 2011

«Դժգոհ եմ դատարանից, իշխանություններից, որ թույլ են տալիս ժողովրդին ջարդել»


Լեռնապատցին դիմելու է ՀՀ վերաքննիչ դատարան
Լոռու մարզի ընդհանուր իրավասության դատարանը, դատավոր Նաիրա Ավետիսյանի գլխավորությամբ, մասնակի բավարարել է Լեռնապատ համայնքի ղեկավար Վանո Եղիազարյանի հայցադիմումն ընդդեմ համագյուղացի Սամվել Թամարյանի: Համայնքի ղեկավարը մեղադրում էր համագյուղացուն իր պատիվը, արժանապատվությունը եւ գործարար համբավը արատավորելու մեջ:
Վանո Եղիազարյանը դատարանից պահանջում էր պարտավորեցնել գյուղացուն վիրավորանք հասցնելու եւ զրպարտության համար հօգուտ իրեն բռնագանձել 400.000 ՀՀ դրամ, ինչպես նաեւ՝ ՀՀ քաղաքացիական օրենսգրքի 68 հոդվածով նախատեսված դատական ծախսերը: Դիմելով դատարան՝ Եղիազարյանը հայտնել էր, որ 2011թ. օգոստոսի 18-ին Հանրապետության հրապարակում կազմակերպված ցույցի ժամանակ Սամվել Թամարյանն իր մասին արել է հետեւյալ արտահայտությունները:
«Մարդուն զաստավիտ ա անըմ, ասըմ ա րեխեդ բանակըմ ծառայըմ ա… դատի տված են… սաղ գեղը…վախ կա», ապա Ֆահրադ Ոսկանյանի այն զրպարտությանը, թե իր խոտը վառել է տվել, լրացրել եւ հաստատել է, թե իբր Ֆահրադը ընդդիմադիր է եղել, դրա համար է վառել տվել. «Որպես ընդդիմադիր՝ սրանից ութ տարի առաջ»:
Tert.am կայքի տեսանյութերի բաժնից էլ համայնքապետը տեղեկացել է վերոնշյալ արտահայտությունների մասին:
Նույն օրը ինտերնետային այլ կայքից տեղեկացել է նաեւ, որ Սամվել Թամարյանն իր մասին հայտարարել է, թե «Հանրապետական կուսակցությունը պղծող ա դա»:
Վերոնշյալ արտահայտությունները Վանո Եղիազարյանը համարում է զրպարտանք, որով վնաս է հասցվում իր պատվին, արժանապատվությանը:
Դատարանը որոշում է կայացրել վիրավորանքի եւ զրպարտության համար պատասխանողից հօգուտ հայցվորի 102 000 ՀՀ դրամ գումար բռնագանձել, որից 100 000 ՀՀ դրամը՝ որպես պատճառված վնասի հատուցման գումար, 2000 դրամն էլ՝ որպես նախապես վճարված պետական տուրք:
Սամվել Թամարյանը, սակայն, հրաժարվում է վերոնշյալ արտահայտություններից՝ պնդելով, որ ինքը նման արտահայտություններ չի արել, ավելին՝ դատական նիստերի ժամանակ հայցվոր կողմը հրաժարվել է «Հանրապետական կուսակցությունը պղծող ա դա, մարդուն սազտավիտ ա անըմ, ասըմ ա րեխեդ բանակըմ ծառայըմ ա» արտահայտություններից:
«Դատարանը հաշվի չի առել այդ փաստը, դժգոհ եմ դատավճռից: Դժգոհ եմ դատարանից, իշխանություններից, որ թույլ են տալիս ժողովրդին ջարդել»,- բողոքում է Սամվել Թամարյանը:
Նա մտադիր է դիմել ՀՀ վերաքննիչ դատարան:
ԱՆՈՒՇ ԲՈՒԼՂԱԴԱՐՅԱՆ
Վանաձոր

Tuesday, December 13, 2011

Լեռնապատ համայնքի բնակիչը հաղթեց գյուղապետին


Լոռու մարզի ընդհանուր իրավասության դատարանը՝ դատավոր Նաիրա Ավետիսյանի նախագահությամբ, անցյալ ուրբաթ մերժեց Լեռնապատ համայնքի ղեկավար Վանո Եղիազարյանի հայցադիմումն ընդդեմ նույն գյուղի բնակիչ Կամսար Թամարյանի: Համայնքի ղեկավարը համագյուղացուն մեղադրում էր իր պատիվը, արժանապատվությունը եւ գործարար համբավը արատավորելու եւ իրեն զրպարտելու մեջ:
Դիմելով դատարան՝ Լեռնապատի համայնքապետը հայցադիմումում հայտնել էր, որ 2011թ. հունիսի 1-ին ՀՀ վարչապետին հասցեագրված դիմումի մեջ զետեղվել են պատասխանողի կողմից իր հասցեին արված հայտարարություններ, որոնք իրենցից զրպարտություններ են ներկայացնում:
Վանո Եղիազարյանը հայցադիմումում նշել էր, որ պատասխանողը ՀՀ վարչապետին հասցեագրված դիմումի մեջ իրեն հանցագործ է անվանել:
Մասնավորապես, համայնքի ղեկավարը մատնանշել էր հետեւյալ արտահայտությունները. «Իշխանությունների հովանավորությամբ գյուղապետը շարունակեց պաշտոնավարել, թաքցրեց ու վերացրեց իր շատ հանցանքների հետքերը, փոխել տվեց շատերի ցուցմունքը: Կեղծ մեղադրանքներով ու իբր զրպարտության համար դատական գործեր է հարուցել ընդդիմադիրների դեմ: Ինձ ընդհանրապես արգելում է անասուններին արոտ հանել ու տարածք չի հատկացնում: Ապօրինի կերպով փոխեց գյուղի հողերի կադաստրային կարգերը, հարկաչափերը, գազիֆիկացման համար կազմակերպեց ապօրինի դրամահավաք, թույլատրեց ապօրինի հանքօգտագործում» եւ այլ արտահայտություններ:
Համայնքապետը պնդում է, որ վերոնշյալ արտահայտությունները չեն համապատասխանում իրականությանը:
Նա նշում է, որ թեեւ իր դեմ քրեական գործ է հարուցվել, սակայն իր նկատմամբ չկա դատարանի՝ օրինական ուժի մեջ վճիռ: Դա հիմք չէ՝ իրեն հանցագործ անվանելու համար: «ՀՀ Սահմանադրության 21 հոդվածի համաձայն՝ հանցագործության մեջ մեղադրվողը համարվում է անմեղ, քանի դեռ նրա մեղավորությունն ապացուցված չէ օրենքով սահմանված կարգով դատարանի օրինական ուժի մեջ մտած դատավճռով»,- բացատրում է նա:
Ըստ նրա՝ ՀՀ վարչապետին ուղղված դիմումը հրապարակային գրավոր խոսք է, քանի որ այն կարող է ստանալ ՀՀ ցանկացած քաղաքացի:
Դատարանի դիրքորոշմամբ, սակայն, պատասխանող Կամսար Թամարյանի կողմից ՀՀ վարչապետին ուղղված դիմումն իր մեջ հրապարակային հայտարարություններ չի պարունակում:
Դատարանը հանգեց նրան, որ հայցվոր Վանո Եղիազարյանի պատվին, արժանապատվությանը, գործարար համբավին հրապարակայնորեն վնաս չի հասցվել:
Պատասխանող Կամսար Թամարյանի փաստաբան Էդմոն Մարուքյանն ասում է, որ ի սկզբանե հայցադիմումն անհիմն էր:
«Կամսար Թամարյանը, օգտվելով իր սահմանադրական իրավունքից, գրավոր դիմում էր ներկայացրել ՀՀ վարչապետին: Դիմումի մեջ նա ներկայացրել էր Լեռնապատ համայնքի ղեկավարի գործունեության վերաբերյալ իր կարծիքը եւ համայնքի բնակիչների դժգոհությունները»,- բացատրում է փաստաբան Մարուքյանը:
Դատարանը որոշում կայացրեց որպես փաստաբանի խելամիտ վարձատրության գումար Լեռնապատի համայնքապետից բռնագանձել 80.000 ՀՀ դրամ գումար, պետական տուրքի համար էլ, դատարանի որոշմամբ, Վանո Եղիազարյանից բռնագանձվելու է 56. 000 ՀՀ դրամ:
ԱՆՈՒՇ ԲՈՒԼՂԱԴԱՐՅԱՆ
Վանաձոր
«Առավոտ» օրաթերթ


Monday, December 12, 2011

Նախկին դասախոսը դիմել է ՀՀ վերաքննիչ դատարան


Վանաձորի պետական մանկավարժական ինստիտուտի նախկին դասախոս ԼուսինեԱշուղյանը դիմել է ՀՀ վերաքննիչ քաղաքացիական դատարան` պահանջելով ամբողջությամբ բեկանել Լոռու մարզի ընդհանուր իրավասության դատարանի` այս տարվա հոկտեմբերի 14-ին կայացրած վճիռը, ու գործն ուղարկել նոր քննության:
Լուսինե Աշուղյանը դատական հայց էր ներկայացրել Լոռու մարզի ընդհանուր իրավասության առաջին ատյանի դատարան` պահանջելով «Վանաձորի Հովհաննես Թումանյանի անվան պետական մանկավարժական ինստիտուտ» պետական ոչ առեւտրային կազմակերպությունից, իրեն վերականգնել նախկին աշխատանքում եւ չաշխատած ամբողջ ժամանակահատվածի համար էլ վճարել հարկադիր պարապուրդի դիմաց:
Լոռու մարզի ընդհանուր իրավասության դատարանը, սակայն, դատավոր Նաիրա Ավետիսյանի գլխավորությամբ, մերժել էր 40-ամյա կնոջ պահանջը:
Աշուղյանն ասում է, որ դատարանը վճիռ է կայացրել` առանց խորանալու փաստերի մեջ:
Ընդհանուր իրավասության դատարանի վճռից հուսալքված վանաձորցին արդարադատություն գտնելու հույսով էլ դիմել է վերադիր ատյան:
«Եթե գոնե մեկ տոկոս օրինականություն կա մեր երկրում, ապա վերաքննիչ դատարանը պիտի բեկանի այդ անօինական վճիռը»-ասում է աշխատանքից զրկված Լուսինեն, ով ընտանիքի միակ աշխատողն էր:
Ըստ նրա` Լոռու մարզի ընդհանուր իրավասության դատարանը սխալ վճիռ է կայացրել` այդկերպ զրկելով իրեն հաշմանդամ քրոջն ու որդուն պահելու նվազագույն պայմաններից:
Բացի այդ` նա նշում է, որ վճռում տեղ են գտել բազմաթիվ օրենսդրական ու դատավարական խախտումներ:
«Դատարանը խախտել է ՀՀ քաղաքացիական դատավարության օրենսգրքի 53-րդ, ՀՀ աշխատանքային օրենսգրքի 95-րդ հոդվածի 3-րդ մասը, 111-րդ հոդվածի 5-րդ մասը, ՀՀ բարձրագույն եւ հետբուհական մասնագիտական կրթության մասին օրենքի 19-րդ հոդվածի 4-րդ կետը, ՎՊՄԻ-ի կանոնադրության 6-րդ ,20-րդ կետերը»,-բացատրում է նա:
«Ինչպե՞ս կարելի մեկ էջի մեջ այդքան օրենսդրական խախտումներ թույլ տալ»,-զարմանում է Աշուղյանը:
Նա ավելացնում է, որ իր հետ համաձայնագիր է կնքվել արձակուրդի ժամանակահատվածում, ինչը, ըստ նրա, եւս անօրինական է:
«Ով է տեսել մարդու հետ արձակուրդի ժամանակ համաձայնագիր կնքեն: Այդ որ օրենսդրությամբ է առաջնորդվել գործատուն, որ դատավոր Ավետիսյանը ճիշտ է համարել: Արդյոք նա լավ չի տիրապետում աշխատանքային օրենսգրքին, թե միտումնավոր է կատարել այս խախտումները»,-վրդովվում է նախկին դասախոսը:
Անուշ ԲՈՒԼՂԱԴԱՐՅԱՆ
Վանաձոր

Աշխարհի ամենաերկար հետադարձելի “Տաթևեր” ճոպանուղու անակնկալները շարունակվում են



“Մեկ տարվա ընթացքում ճոպանուղին սպասարկել է 70 հազար զբոսաշրջիկի, այցելուների շրջանում առավել փոքր թիվ են կազմել սյունեցիները, լավագույն դեպքում այցելել են իրնեց հյուրերի հետ, ուստի  փորձում ենք խրախուսել , որպեսզի նրանք էլ ակտիվ  այցելեն  և հիանան ճոպանուղուց բացվող տեսարաններով,- ասել է ճոպանուղու տնօրեն Տիգրան Ղազարյանը` լրատվամիջոցների և տարբեր կազմակերպությունների ներկայացուցիչների հետ հանդիպման ժամանակ:

Ամանորին ընդառաջ` դեկտեմբերի 20-29-ը,  “Տաթևեր” ճոպանուղին աշակերտների, ուսանողների և կոլեկտիվների համար ներկայացնում է աննախադեպ առաջարկ: Նշյալ ժամանակահատվածում այցելուները կվայելեն ճոպանուղու թռիչքը, ապա “Տաթևատուն” ռեստորանում կճաշակեն աշխարհի տարբեր խոհանոցների լավագույն ուտեստները` վճարելով համապատասխանաբար 3000, 4000 և 4500 դրամ:

“Մշտապես Ճոպանուղու  ուշադրության կենտրոնում է եղել  հարակից գյուղական համայնքների զարգացումն ու սոցիալ -տնտեսական վիճակի բարելավումը, ուստի այս նախաձեռնությունը նպատակ ունի նաև “Տարևատուն” ռեստորանի հետ համագործակցության արդյունքում ներկայացնել ճկուն առաջարկ`հենքային համարելով սոցիալական վիճակի բարելավումը”-նշել է Տիգրան Ղազարյանը:

Ճոպանուղու տնօրենի խոսքերով` հարակից գյուղական համայնքների բնակիչների ճոպանուղուց անվճար օգտվելու հնարավորությունը  ևս շարունակվում է ` չնայած ծրագիրը նախատեսված էր իրականացնել  մեկ տարի :

“Մենք մեր ջանքերն ուղղում ենք ոչ միայն տուրիզմի զարգացմանը, նաև, ընդլայնելով համագործակցության շրջանակները, տարբեր կազմակերպությունների հետ տարածաշրջանում փորձում ենք   նպաստել  սոցիալական ոլորտի զարգացմանը ,- ասել `է ճոպանուղու տնօրենը:

Saturday, December 10, 2011

Նանսենը եկավ հյուր

 Վանաձորի Ֆրիտյոֆ Նանսենի անվան թիվ 2 մանկապարտեզի հանդիսավոր բացման արարողությունը կատարվեց դեկտեմբերի 9-ին: Մանկապարտեզը հիմնանորոգվել է «Սեյվ դը չիլդրեն» կազմակերպության կողմից՝ Վանաձորի քաղաքապետարանի համաներդրման միջոցով: Ինչպես  Լոռու  հայտնեց մանկապարտեզիի  տնօրեն  Ագնեսա Խաչատրյանը, մինչ այժմ 65 սան ունեին, թեեւ շենքն ուներ 120 երեխայի սպասարկելու հնարավորություն: Շենքային անմխիթար պայմաններում գտնվող շենքը երկրաշարժից հետո չէր նորոգվել, շարքից դուրս էին եկել տանիքը, մանրահատակը, պատերը: «Սեյվ դը չիլդրեն»-ի 28 մլն եւ Վանաձորի
քաղաքապետարանի շուրջ 15 մլն դրամ ներդրմամբ մանկապարտեզի շենքն այս տարվա մայիսից սկսեցին վերանորոգել «Վիմպերգ» շինկազմակերպության շինարարները, հոկտեմբերին այն արդեն պատրաստ էր ընդունել ավելի մեծ թվով երեխաներ: Մանկապարտեզին նաեւ լրիվ նոր կահույք է հատկացվել: Մանկապարտեզի
բարենորոգ շենքի բացման հանդիսավոր արարողության ընթացքում տնօրենը


շնորհակալություն հայտնեց բարերարներին, քաղաքապետարանին:
Ողջույնի խոսք ասացին նաեւ Վանաձորի քաղաքապետ Սամվել Դարբինյանն ու միջազգային կազմակերպության հայաստանյան գրասենյակի տնօրեն Իրինա Սաղոյանը, ով նաեւ նշեց, որ կազմակերպության ջանքերով մանկապարտեզի 15 աշխատակիցներ են վերապատրաստում անցել, ծանոթացել մանկավարժական ժամանակակից մեթոդներին եւ այժմ իրենց աշխատանքում կարող են օգտագործել դրանք: Անսպասելիորեն հայտնվեց մեծ մարդասեր ու հայասեր, խաղաղության նոբելյան մրցանակակիր գիտնականն ինքը՝ ում անունը կրում է մանկապարտեզը. Վանաձորի Հովհ. Աբելյանի անվան պետական դրամատիկական թատրոնի դերասան Մայիս Խաչատրյանը նրա կերպարանքով ողջունեց բոլորին, իսկ նրա պայուսակում նվերներ էին՝ երեխաների համար: «Այս մանկապարտեզի հիմնանորոգմամբ մի


փոքր թեթեւացավ քաղաքապետարանի հոգսը. Համայնքի ենթակայության տակ գտնվող
մանկապարտեզների համար պատշաճ պայմաններ ապահովելու համար բավականաչափ գումարներ չունենք, սակայն համաֆինանսավորմամբ կարողանում ենք շատ խնդիրներ լուծելե, -  ասաց Վանաձորի քաղաքապետարանի կրթության և մշակույթի բաժնի պետ Գագիկ Աղաբաբյանը: Ըստ նրա`Վանաձորի 20 մանկապարտեզներից երեքը դեռեւս տնակային պայմաններում են գործում, նրանց համար նոր շենքեր են կառուցվելու: Եւս 6 մանկապարտեզի շենք կապիտալ նորոգման կարիք ունի:
Գուգարաց թեմի հոգեւր դասի կողմից կատարվեց  տնօրհներքի կարգ՝ օրհնվեց հացը,աղն ու ջուրը:
Լիլիթ Յոլչյան
Լուսնկարը հեղինակի

Վանո Եղիազարյանն ընդդեմ Արթուր Սաքունցի


Դատաքննությունը շարունակվում է
Լոռու մարզի ընդհանուր իրավասության դատարանում, դատավոր Բորիկ Գրիգորյանի գլխավորությամբ, ընթանում է Լոռու մարզի Լեռնապատ համայնքի ղեկավար Վանո Եղիազարյանի հայցադիմումի քննությունն ընդդեմ «Հելսինկյան քաղաքացիական ասամբլեայի Վանաձորի գրասենյակ» իրավապաշտպան կազմակերպության ղեկավար Արթուր Սաքունցի:
Լեռնապատի ղեկավարը մեղադրում է Արթուր Սաքունցին իր պատիվը, արժանապատվությունն ու գործարար համբավը արատավորելու մեջ:
Վանո Եղիազարյանը հայցադիմումի մեջ նշում է, որ 2010թ. դեկտեմբերի 8-ին Արթուր Սաքունցը հարցազրույց է տվել «Վանաձորյան Խճանկար» թերթին, որտեղ տեղ գտած «կոռուպցիոն» հանցագործությունների հետ կապված ահազանգերը համարժեք քննություն չեն ստանում: Վառ օրինակ էին Լեռնապատի գյուղապետի կատարած մի շարք գործողությունների վերաբերյալ ահազանգերը՝ «տեղական բյուջեի միջոցների վատնում, ինքն իրեն եւ իր ընտանիքի անդամներին գույքահարկից ազատելու որոշում» արտահայտությունները, որոնք վնաս են հասցնում իր պատվին, արժանապատվությանը եւ գործարար համբավին:
Գյուղապետը դատարանից պահանջում է զրպարտության համար պարտավորեցնել Արթուր Սաքունցին նույն թերթի միջոցով հրապարակայնորեն հերքել զրպարտություն համարվող փաստացի տվյալները եւ հօգուտ իրեն բռնագանձել 2.000.000 ՀՀ դրամ, ինչպես նաեւ փոխհատուցել դատական ծախսերը:
Դատական նիստի ժամանակ Արթուր Սաքունցը հայտարարեց, որ արված արտահայտություններում որեւէ վիրավորանք ու զրպարտություն չկա:
Պատասխանողի ներկայացուցիչ Էդմոն Մարուքյանը պնդեց, որ «կոռուպցիոն» հանցագործությունների հետ կապված ահազանգերը համարժեք քննություն չեն ստանում: Վառ օրինակ էին Լեռնապատի գյուղապետի կատարած մի շարք գործողությունների վերաբերյալ ահազանգերը՝ «տեղական բյուջեի միջոցների վատնում» արտահայտությունները համապատասխանում են իրականությանը, քանի որ վերոնշյալների հիմքով քրեական գործ կա հարուցված համայնքի ղեկավարի նկատմամբ:
«Այդ փաստերը օդից չեն վերցվել, գյուղացիների բողոքներն ու հարուցված քրեական գործն է առիթ հանդիսացել»,- ասում է փաստաբանը:
«Ինքն իրեն եւ իր ընտանիքի անդամներին գույքահարկից ազատելու որոշում է կայացրել» արտահայտության վերաբերյալ փաստաբանը նշեց, որ ոչ թե համայնքի ղեկավարն է ազատել իրեն գույքահարկից, այլ ավագանիներն են ազատել նրան:
Այլ հարց է, թե ինչ մթնոլորտում: «Դե յուրե չէր կարող ինքն իրեն ազատել, բայց դե ֆակտո համայնքի ղեկավարն իրեն ազատել է գույքահարկից»,- բացատ րում է փաստաբան Մարուքյանը:
Արթուր Սաքունցն էլ հավելում է, որ ըստ էության համայնքի ղեկավարն է ղեկավարում ավագանու նիստերը եւ ունի միանձնյա իշխանություն:
«Սակայն նա փորձում է համոզել, որ ավագանին իրենից անկախ է: Ըստ օրենքի՝ ինքն է ղեկավարում, վարում ավագանու նիստերը»,- բացատրում է նա:
ԱՆՈՒՇ ԲՈՒԼՂԱԴԱՐՅԱՆ
Վանաձոր
Փաստաբան Է. Մարությանը:

Friday, December 9, 2011

Համագյուղացի վկաները նոր են իմանում բռնաբարության փորձի մասին


Երեկ Լոռու մարզի ընդհանուր իրավասության դատարանի դատավոր Սուրեն Բաղդասարյանի նախագահությամբ շարունակվեց Մեծ Պարնի գյուղի բնակիչ Թադեւոս Գեւորգյանի դատաքննությունը:
27-ամյա Գեւորգյանին մեղադրանք է առաջադրվել համագյուղացու նկատմամբ բռնաբարության փորձ կատարելու, ինչպես նաեւ ճանապարհային երթեւեկության եւ տրանսպորտային երթեւեկության շահագործման կանոնները խախտելու համար:
Դատական նիստին հրավիրված վկաների ցուցմունքներից պարզվում է, որ Թադեւոս Գեւորգյանն ու տուժող Գայանե Սարգսյանի ամուսինը վիճաբանություն են ունեցել ոչ թե բռնաբարության փորձ կատարելու դեպքի հետ կապված, այլ այն կապակցությամբ, թե ինչու է Թադեւոսը մեքենայով գնացել Գայանե Սարգսյանի հետեւից:
«Մեքենայով հետեւից գնացել ա, դրա համար էլ վիճել են, բռնաբարության փորձի մասին նոր եմ իմանում»,- դատարանում հայտարարեց համագյուղացիներից մեկը:
Մյուս վկաները եւս նույնաբովանդակ ցուցմունքներ տվեցին:
Թադեւոս Գեւորգյանի փաստաբան Ռուբեն Հակոբյանը հավելում է, որ այս վկաների ցուցմունքներին լրացնում է նաեւ տուժող Գայանե Սարգսյանի ամուսնու՝ դռնփակ դատական նիստի ժամանակ տված ցուցմունքը:
«Տուժողի ամուսինը պնդեց նախաքննության ժամանակ Լոռու մարզի ոստիկանությունում տված ցուցմունքը՝ դատարանում հայտարարելով, թե բռնաբարության փորձ իր կնոջ նկատմամբ տեղի չի ունեցել»,- ասում է փաստաբանը:
Հաջորդ դատական նիստի ժամանակ փաստաբան Հակոբյանի միջնորդությամբ դատարան են հրավիրվել մեղադրանքի կողմից հարցաքննված, բայց դատակոչում չընդգրկված վկաները:
Ըստ գործի նյութերի՝ 2008թ. սեպտեմբերի վերջերին, հոկտեմբերի սկզբին, Մեծ Պարնի գյուղի բնակչուհի Գայանե Սարգսյանի կամքին հակառակ, Թադեւոս Գեւորգյանը փորձել է սեռական հարաբերություն ունենալ նրա հետ: Գայանե Սարգսյանը դիմադրություն է ցույց տվել, ոտքերով հրել է նրան եւ ազատվելով՝ հեռացել:
Թադեւոս Գեւորգյանը, սակայն, չի ընդունում իրեն վերագրվող հանցագործություննեը՝ պնդելով, որ ինքը բռնաբարության փորձ չի կատարել Գայանե Սարգսյանի նկատմամբ, իսկ ավտոմեքենան էլ այդ օրը վարել է տուժող Վարդան Արզումանյանը:
Վթարի առնչությամբ Լոռու մարզի քննչական բաժնի Սպիտակի բաժանմունքում նյութեր են նախապատրաստվել: «2011թ. հունվարի 11-ին հարուցված քրեական գործի շրջանակներում պաշտպանյալս ներգրավված է եղել որպես վկա, քանի որ նախաքննությամբ պարզվել է, որ ղեկին եղել է տուժող Վարդան Արզումանյանը»,- ասում է փաստաբան Ռուբեն Հակոբյանը:
Սակայն քրեական գործի վարույթը կասեցվելուց հետո՝ այս տարվա ապրիլից նոր քննություն է նշանակվել արդեն Շիրակի մարզի քննչական բաժնում: Գեւորգյանը ճանաչվել է մեղադրյալ եւ կալանավորվել:
Հ. Գ. Դատական նիստի ավարտից հետո տուժող Գայանե Սարգսյանը վիճաբանության մեջ մտավ մեղադրող դատախազի հետ: Տուժողը վրդովված հարցնում էր մեղադրողին, թե ինչու է վերջինս իր անվան շուրջ նման տեղեկություններ ներկայացրել մեղադրանքում:
Նա շարունակում է պնդել, որ իր նկատմամբ բռնաբարության փորձ տեղի չի ունեցել:
ԱՆՈՒՇ ԲՈՒԼՂԱԴԱՐՅԱՆ
Վանաձոր