Հայաստանի անկախության 20-ամյակին նվիրված քայլարշավը դեպի Մայմեխ լեռ, չնայած անբարենպաստ եղանակին, անցկացվեց: Վանաձորի քաղաքապետարանի ֆիզկուլտուրայի և սպորտի բաժնի կողմից էր նախաձեռնությունը: «Արշավները դեռ խորհրդային ժամակակներից մշտապես անցկացվել են, -ասում է Վանաձորի քաղաքապետարանի ֆիզկուլտուրայի և սպորտի բաժնի պետ Գուրգեն Գևորգյանը,- Արշավը համախմբում է երեխաներին, մասնակիցները մոտիկանում են, ընկերանում, իսկ դրանից մենք ենք շահում` քաղաքը, հանրապետությունը»: Հիմնականում մարզադպրոցների, սպորտային ակումբների սաներն էին, նրանց միացել էին նաև կրթական , հասարակական տարբեր կազմակերպություններ ու նախաձեռնությամբ հետաքրքրված հարյուրավոր անհատներ: Վանաձորի քաղաքապետարանի ու Լոռու մարզպետարանի կողմից պարգևներ ու պատվոգրեր ստացան լավագույն մասնակիցները: Բարձունքի հաղթահարման մրցույթում առաջին տեղում Վանաձորի «Հայոց արծիվներ» հայրենասիրական հասարակական կազմակերպությունն էր:
Լիլիթ Յոլչյան
Վանաձոր
0 коммент.:
Post a Comment
Note: Only a member of this blog may post a comment.