This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Wednesday, August 31, 2011

Monday, August 29, 2011

Անունով` «Էլիտար» շենք


Մեկ ամիս առաջ  Վիվա Սել ընկերությունը պատահականության սկզբունքով  Վանաձորի տնակային ավանի անապահով 20 ընտանիքների հարևանությամբ` Նալբանդյան 5 հասցեում կառուցված Էլիտար շենքի բնակարանները  գնեց և նվիրեց տարիներով բնակարանի մասին երազած մարդկանց: 6 ընտանիքների 10 երեխաները  «Օրրան» հասարակական կազմակերպության շահառուներն են: Նրանց բնակարանամուտը շնորհավորեցին   և խորհրդանշական նվերներ հանձնեցին օրրանցիները:
   «Շատ կարևոր է, որ եվրոպական առաջատար երկրների փորձը միայն ՀՀ-ի  մայրաքաղաքում չէ կիրառվում, և կորպորատիվ կազմակերպությունները բարեգործական ծրագրեր են իրականացնում»,-ասում է Օրրան հկ-ի  Վանաձորի մասմնաճյուղի ղեկավար Մարիամ Մանուչարյանը : 
   Օրրանի շահառու բոլոր երեխաները ծնվել ու մեծացել են տնակում: Նրանցից շատերի համար բնակարան չունենալը ընկերներից խուսափելու ու մեկուսանալու առիթ էր դարձել`  ամաչում էին  ընկերներին  տուն հրավիրել:   
  Տանտիկինների համար  նոր բնակարան ունենալը նոր հոգսեր է բերել. տարիներով տնակում ապրելով`   նրանք կոմունալ վարձեր չեն մուծել,  ձմռանը վառել են ինչ պատահի, այժմ նախատեսում են լույսով տաքանալ`   շենքը թեպետ գազաֆիկացված է, սակայն նորաբնակները, որ նախկին տնակային ավանի բնակաիչներ են և անապահով, չեն կարողանում իրենց միջոցներով բնակարանները գազաֆիկացնել,  բարձր հարկերի բնակիչները  բողոքում են նաև ջրից,  իսկ բոլորի համար  մեծ խնդիր է վերելակի  անսարքությունն ու   լվացք փռելու տեղ չունենալը: Լվացքի թոկեր կախելու համար դիմել են Վանաձորի քաղաքապետարան, բայց պատասխանել են, որ չորանոցներ ու  չորացնող մեքենաներ պետք է գնեն: Լվացք փռելու համար  էլիտար շենքի բնակիչները հերթ են կանգնում: Շենքում նորածին երեխաներ կան,  առաջնահերթությունը նրանցն է: Բաց պատշգամբ ունեցողները չորանոց դնելու հնարավորություն ունեն, բայց գնելու հանարավորություն չունեն, նրանք էլ դժգոհում են անձրևաջրերից. շենքի թեքության պատճառով  անձրևը  բաց պատշգամբից դեպի ներս է հոսում:
    Դեռ չեն հասցրել կարգին ուրախանալ, ամեն կողմից մի խնդիր է առաջանում, շենքում պատերից արդեն ծեփեր են թափվում, լոգարանի ու սանհանգույցի դռների շրջանակներն են պոկվում, այնպիսի տպավորություն է, թե  շենքի միայն անունն է էլիտար:  

Լիլիթ Յոլչյան

Wednesday, August 24, 2011

Ի ՆՊԱՍՏ` ԳԵՂԱՐՔՈՒՆԻՔԻ ՄԱՐԶԻ ԵՐԵԽԱՆԵՐԻ ԿԱՐՈՂՈՒԹՅՈՒՆՆԵՐԻ ԶԱՐԳԱՑՄԱՆ

Գեղարքունիքի մարզպետ Նվեր Պողոսյանն այսօր ընդունեց «Սեյվ դը չիլդրեն» կազմակերպության Հարավային Կովկասում «Տարածաշրջանային նախաձեռնություն' հանուն երեխաների մասնակցության» ազգային ծրագրի ղեկավար Աիդա Գեւորգյանին եւ ծրագրի աշխատակիցներին: Ծրագրի ղեկավարը մարզպետի հետ զրուցեց դպրոցներում եւ խնամքի պետական հաստատություններում երեխաների տեսակետների, կարծիքների անտեսված լինելու, հասարակական մտածելակերպի ոչ լիարժեք զարգացածության, այլ խնդիրների շուրջ:

Նա միաժամանակ տեղեկացրեց, որ «Տարածաշրջանային նախաձեռնություն հանուն երեխաների մասնակցության» ազգային ծրագիրը նպաստելու է մարզում երեխաների կարողությունների զարգացմանը, որպեսզի նրանք առաջատար դեր խաղան իրենց եւ իրենց համայնքների զարգացման գործում՝ տեղական, ազգային եւ տարածաշրջանային մակարդակներում իմաստավորված մասնակցության միջոցով: Գեղարքունիքի մարզում նմանատիպ ծրագիր նախատեսված է իրականացնել երկու ամսվա ընթացքում' Սեւանի ավագ եւ թիվ 3 հիմնական դպրոցներում: Դասընթացներում կընդգրկվեն 14-18 տարեկան դպրոցականներ: Աշխատանքները կտարվեն երեք ուղղություններով՝ զարգացնել երեխաների գիտելիքներն ու հմտությունները երեխայի մասնակցության եւ նրա իրավունքի շուրջ, խթանել երեխաների մասնակցությունը երեխայի պաշտպանության ազգային եւ տարածաշրջանային ցանցերում, նպաստել երեխաների մասնակցությանն անմիջապես իրենց իրավունքներին: Մարզպետը ծրագրի ղեկավարին առաջարկեց դասընթացները կազմակերպելու ընթացքում միջդպրոցական կապ ստեղծել նաեւ մարզի մնացած դպրոցների հետ՝ քննարկվող թեմաներին հաղորդակից դարձնելով նաեւ այլ դպրոցականների, անմասն չթողնելով նաեւ հեռավոր ու սահմանամերձ համայնքների դպրոցները:

125 ՍՈՎՈՐՈՂՆԵՐ ՍՏԱՑԱՆ ՖՐԱՆՍԵՐԵՆԻ ԴԱՍԸՆԹԱՑՆԵՐԻ ՎԿԱՅԱԿԱՆ

Գեղարքունիքի մարզ-Իզերի դեպարտամենտ կրթամշակութային, առողջապահական եւ տուրիզմի զարգացման փոխհարաբերությունների շրջանակներում դեռեւս հունիսից Գավառում մեկնարկել էին ֆրանսերենի ուսուցման դասընթացները: Դասընթացներն իրականացնում էր «Ֆրանս-ֆորմասիոն ինտերնացիոնալ» լեզուների ուսուցման եւ թարգմանչական կենտրոնը: Ֆրանսախոսության զարգացմանը եւ ֆրանսիական մշակույթի ներկայացմանը միտված պարապմունքները ֆինանսավորվում էին բարեկամ մարզերի, Գեղարքունիքի մարզպետարանի եւ Իզերի դեպարտամենտի գլխավոր խորհրդի կողմից:

Երկամսյա դասընթացների ավարտին շրջանավարտները ստացան ֆրանսերենի դասընթացների մասնակցության վկայականներ: «Ֆրանս-ֆորմասիոն ինտերնացիոնալ» լեզուների ուսուցման եւ թարգմանչական կենտրոնի տնօրեն Լիլյա Շալունցը 125 ավարտողներին հանձնեց վկայականներ: Ֆրանսախոս սաները հանդես եկան հաշվետու ներկայացումներով: Ֆրանսերեն բեմադրվեցին մի շարք ներկայացումներ, հնչեցին երգեր ու բանաստեղծություններ:

Կայացավ նաեւ ֆրանսերենի դասընթացների 4-րդ մակարդակի սաների հեղինակած գրքույկի շնորհանդեսը:

Գիրքը տպագրվել է «Իմ մարզը եւ ես» թեմատիկ կուրսերի շրջանակներում եւ վերնագրվել' «Իմ տատիկը պատմում էր, որ...»: Սովորողների հեղինակությամբ գրվել, մշակվել եւ թարգմանվել են 20 հրապարակումներ, որոնք պատմում եմ Գավառի ավանդույթների, սովորույթների, եզակի գողտրիկ անկյունների, հիշարժան մարդկանց մասին: 39 էջանոց գունազարդ գրքույկը հրատարակվել է մեծ քանակությամբ եւ կուղարկվի Ֆրանսիա' Գավառ քաղաքի յուրօրինակ պատկերը ցուցադրելու համար:

Ըստ Լիլիա Շալունցի` դասընթացն ավարտելու վկայական ստացած 125 սաներից 30-ը ավարտական մակարդակի սաներ էին: Դասընթացները կշարունակվեն հաջորդ տարի, սակայն մինչ բուն դասերը սկսելն այս աշնանը եւ գարնանը կլինեն կրկնողության պարապմունքներ: Նախատեսվում է նաեւ շարունակել եւ զարգացնել «Իմ մարզը եւ ես» թեմատիկ պարապմունքները:

«Տարածքն իրենն է՝ կուզի կսարքի, չի ուզի՝ չի սարքի». Վանաձորցիները չունեն սեփական մարզադաշտ


ՀՀ վարչական դատարանում՝ դատավոր Արշակ Ալավերդյանի նախագահությամբ, ընթանում է «Հելսինկյան քաղաքացիական ասամբլեա Վանաձորի գրասենյակ» իրավապաշտպան կազմակերպության հայցադիմումի քննությունը՝ ընդդեմ Վանաձոր համայնքի ավագանու կայացրած որոշումների:
Համայնքի ավագանին իր կայացրած որոշումներով Վանաձոր համայնքի սեփականություն հանդիսացող 43937. 2 քմ մակերեսով հողամասը՝ մարզական համալիր կառուցելու նպատակով, անհատույց մշտական օգտագործման իրավունքով տրամադրել է Հայաստանի ֆուտբոլի Ֆեդերացիային: 
Նույն որոշմամբ Հայաստանի ֆուտբոլի ֆեդերացիային ֆուտբոլի մարզադաշտ կառուցելու նպատակով  անհատույց մշտական օգտագործման է տրվել նաեւ  քաղաքի սեփականություն համարվող 6954. 0 մակերեսով հողամասը՝ պայմանով, որ նշված հողամասերի վրա կառուցվելիք շենք-շինությունները Հայաստանի ֆուտբոլի ֆեդերացիայի սեփականությունն են համարվելու: 
Այսպիսով՝ Վանաձորի մարզադաշտն ու շուրջ 44 հազար քմ մակերեսով հողամասը այլեւս քաղաքի սեփականությունը չեն:
Դատարանում իրավապաշտպան կազմակերպության ներկայացուցիչ, փաստաբան Էդմոն Մարուքյանն ասում է, որ համայնքի ավագանին չէր կարող անվարձահատույց օտարել համայնքին սեփականության իրավունքով պատկանող գույքը:
«
Մեր կողմից վիճարկվող վարչական ակտի դեպքում համայնքի ավագանին օգտվել է իր այն իրավունքից, որի համաձայն կարող է օտարել համայնքին՝ սեփականության իրավունքով պատկանող գույքը, սակայն անտեսել է օրենսդրի կողմից սահմանված այն պարտադիր պայմանը, որի համաձայն՝ գույքն օտարելիս համայնքի ավագանին պարտավոր է սահմանել օտարման գների չափերը»,- բացատրում է փաստաբանը: Բացի այդ, փաստաբանը համոզված է, որ խախտվել է համայնքի բնակիչների՝ համայնքային սեփականության իրավունքը. նրանք զրկվել են համայնքային հողամասերից.
«
Ֆուտբոլի ֆեդերացիայի թույլտվությամբ կարող են այնտեղ խաղալ: Բացի այդ, պայմանագրերում ոչ մի կետ չկա այն մասին, որ Ֆուտբոլի ֆեդերացիան պարտավոր է Վանաձոր համայնքի միջոցառումների ժամանակ անվճար տրամադրելու տարածքը: Հնարավոր է՝ վարձավճարներ սահմանեն եւ կսահմանեն: Մեր նվիրաբերած անվճար գույքը մեզ  վարձով կտան»:
Հակառակ կողմը, սակայն, հայցադիմումը անհիմն է համարում՝ գտնելով, որ ավագանին գործել է օրենքի շրջանակներում եւ նման որոշում կայացնելով, առաջնորդվել են համայնքի շահերից՝ այդկերպ հնարավորություն ստանալով  3 տարվա ընթացքում ունենալու ժամանակակից չափանիշներին համապատասխան մարզադաշտ:
«
Համայնքը, չունենալով բավարար միջոցներ իր գույքի վերանորոգման համար, այն ըստ էության փրկել է հետագա քայքայումից եւ ստեղծել է հնարավորություն, որպեսզի այդ գույքը պատշաճորեն վերանորոգվի ու սկսի ծառայել համայնքի բնակչության կարիքներին՝ իր նպատակային նշանակությամբ օգտագործվելու միջոցով»,- նշված է հայցադիմումի  պատասխանի մեջ: Էդմոն Մարուքյանը  Ֆուտբոլի ֆեդերացիայի ստանձնած   պարտավորության մասին կասկած է հայտնում՝ նշելով, որ տարածքն իրենն է՝ կուզի կսարքի, չի ուզի՝ չի սարքի. 
«
Ոչ մի տեղ նշված չէ՝ ով պետք է  ստուգի վերանորոգման աշխատանքները, ժամկետները, ինչ ներդրումներ են  լինելուքաղաքապետարանն այլեւս ոչ մի իրավունք չունի մարզադաշտի նկատմամբ»:
Բացի այդ՝ համայնքի ավագանու որոշումներում նշված էոր գույքը եւ հողամասը նվիրաբերվել է  Հայաստանի ֆուտբոլի ֆեդերացիային, պայմանագրերի համաձայն, սակայն, գույքը եւ հողամասը նվիրաբերվել է «Հայաստանի ֆուտբոլի ֆեդերացիա» ԻԱՄ-ին (Իրավաբանական անձանց միություն): 
Հաջորդ դատական նիստի ժամանակ Հայաստանի ֆուտբոլի ֆեդերացիան դատարանին պետք է ներկայացնի փաստաթղթեր, որոնք կապացուցեն Հայաստանի ֆուտբոլի Ֆեդերացիայի կապը Հայաստանի ֆուտբոլի ֆեդերացիա ԻԱՄ-ի հետ:

ԱՆՈՒՇ ԲՈՒԼՂԱԴԱՐՅԱՆ
Վանաձոր

www.aravot.am