"Սատկել են այն խոզերը, որոնց այդ կերն են տվել։ Հիմա ախտահանման աշխատանքներ ենք իրականցրել, խոզերը փակի տակ ենք պահում”,- ասաց գյուղապետը: Անասնաբույժ Արթուր Խաչատրյանն էլ նշեց, որ նախնական տվյալներով խոզերի անկման պատճառը կերից թունավորումն է եղել: Ավելացնենք, որ նախորդ տարիներին հարեւան գյուղերում արձանագրված աֆրիկյան ժանտախտը շրջանցել էր Եղվարդը։Այսօր գյուղում 150 խոզ է հաշվառված։ Ի դեպ, անասնաբույժները գոյւղացիներին խորհուրդ են տվել մորթել խոզերը ու կիլոգրամը 350-400 դրամ հանձնել մսի կոմբինատին: "Մտածում ենք, որ մսի կոմբինատը անասնաբույժների հետ գործարք մեջ է",-ասացին եղվարդցիները: Սակայն անասնաբույժներն էլ մեզ հետ ունեցած զրույցում նշեցին, որ իերնք պարզապես խորհուրդ են տվել այլ ելք չունենալու դեպքում՝ մորթել ու դնել մսի կոմբինատի սառնարանում:
Եղվարդեցի Սերոբ Օհանջանյանի համոզմամբ էլ, իր խոզերը առողջ են, նույնիսկ մեկը մորթել ու մեզ էլ առաջարկում ճաշակել համով խորովածը: "Տեսեք թե ինչ միս է, բա էս խոզը հիվանդ կլինի",- հարցնում էր գյուղացին: Խոզապահի, գյուղնախարարի խրատների մասին ավելի մանրամասն ՀՐԱՊԱՐԱԿ օրաթերթի շաբաթօրյա համարում:
Արմեն Դավթյան, ԿԱՊԱՆ
0 коммент.:
Post a Comment
Note: Only a member of this blog may post a comment.