Բուժզննության արդյունքում, երբ պարզվեց, որ 14-ամյա դեռահաս աղջիկը հղի է, ջրի երես դուրս եկավ նաև փաստը, որ սեփական հայրը ամիսներ շարունակ նրան ենթարկել է ֆիզիկական ու սեռական բռնության: Այս մասին աղջիկը պատմել է մորը, երբ վերջինս հարցրել է` ով է երեխայի հայրը: Վերջին ամիսներին տեղի ունեցող ծեծի, բռնությունների արդյունքում աղջկա վարքագծում տարօրինակ փոփոխություններ են նկատվել, կապտուկների պատճառով հաճախ է դպրոցից բացակայել:
Մինչ աղջիկն ու մայրն ունեն աջակցության ու հոգատարության կարիք, բազմաթիվ լրագրողներ քննարկում են նրա մտավոր հետամնացության հարցը` մոռանալով, որ բռնաբարության մեջ մեղադրվող հայրը նախկինում դատապարտված է եղել սպանության համար:
Պարզից էլ պարզ է, որ նման իրավիճակում հայտնված երեխայի համար բնականոն կյանքով ապրելն անհնարին է: Մինչև անցյալ ամառ աղջիկն ունեցել է նորմալ վարքագիծ, նրան ճանաչողների խոսքերով, խելացի երեխա էր, ով սովորականի պես շփվում էր ընկերների հետ, օգնում մորը կենցաղային տարբեր հարցերում:
Բարեբախտաբար եղան նաև մարդիկ, ովքեր պատրաստ էին օգնության ձեռք մեկնել նրանց: Ծանր դեպքի բացահայտումից հետո աղջկան աջակցելու պատասխանատվությունը ստանձնել է Գորիսի կանանց զարգացման “Ռեսուրս կենտրոն” հիմնադրամը: Կազմակերպությունը տրամադրել է անհրաժեշտ միջոցներ և աջակցել աղջնակին ու մորը Երևան տեղափոխվելու համար:
Այժմ նրանց համապատասխան օգնություն է ցուցաբերում Երևանի “Կանանց Ռեսուրսային կենտրոն” ՀԿ-ն: Կենրոնի փաստաբանն ու հոգեբանը աշխատում են աղջկա հետ: Երեխան առայժմ հիվանդանոցում է, կկատարվի դատագենետիկական փորձաքննություն, անհրաժեշտ բուժօգնություն ստանալաուց հետո նա կտեղափոխվի ՀՕՖ:
Հեղինակ` Իրինա Յոլյան
Հեղինակ` Իրինա Յոլյան
0 коммент.:
Post a Comment
Note: Only a member of this blog may post a comment.