Երեկ առավոտյան ժամը 5.50-ի մոտ, Վանաձոր Ալավերդի ճանապարհի 12,5 կմ հատվածում Փամբակ գետն է ընկել Գազ 3110 մակնիշի մեքենա, որի մեջ, նախնական տեղեկություններով, եղել է 5 հոգի: Դեպքի վայրից մոտ 2-3 կմ հեռու փրկարարները դուրս են բերել 40-50 տարեկան տղամարդու դիակ:Մեքենան հայտնաբերելուց րոպեներ անց՝ դեպքի վայրից մոտ 6 կմ հեռավորության վրա հայտնաբերվեց առաջին դիակը՝ 1970թ-ին ծնված, Ալավերդի քաղաքի բնակիչ Արմեն Ասրյանի դին, այնուհետ, նաև երկրորդ դին, որը գետը քշել հասցրել էր Վանաձոր-Ալավերդի ավտոճանապարհի 21-րդ կիլոմետր՝ Թուֆենկյան հյուրանոցային համալիրի մոտ։ Փրկարարների ջանքերով և հավաքված քաղաքացիների օգնությամբ պարաններով դուրս բերվեց նաև վերջինիս մարմինը։ Այնուհետև պարզվեց, որ վերջինս Մարատ Շախկուլյանն է:
Մինչ փրկարարները դիակը գետից դուրս կբերեին, ոստիկանության աշխատակիցների հետ միասին եկավ նաև վարորդը՝ Ալավերդի քաղաքի բնակիչ, 1961թ-ին ծնված Արմեն Կիրակոսյանը, ում ճակատին թեթև վնասվածքներ կային։ Զրույցից պարզ դարձավ, որ երբ մեքենան ընկել է գետը, վարորդն ու իր կողքին նստածը դուրս են նետվել մեքենայից ու փորձել են փրկվել, սակայն ուղևորին գետի հոսանքը քշել է, իսկ վարորդը կարողացել է բռնվել ծառի ճյուղից ու դուրս գալ գետից։ Մյուս ուղևորները ևս խեղդվել են, քանի որ փրկվելու շանսերը քիչ էին։
Այս պահի դրությամբ դեռևս փրկարարները վարչության պետ Հրաչ Անտոնյանի գլխավորությամբ իրականացնում են որոնողական և փրկարարական աշխատանքներ, սակայն ինչպես տեղեկացրեց Հրաչ Անտոնյանը, դեռևս զոհվածների մարմինները չեն գտնվել։ Մեր ունեցած տվյալներով, մեքենայում գտնվողները բոլորն էլ եղել են Ալավերդի քաղաքից, ու վաղ առավոտյան մեկնելիս են եղել Լեռնային Ղարաբաղ՝, որտեղ և աշխատելիս են եղել ինչ-որ քարհանքում։Պարզվել է նաև անհետ կորած մյուս երկու ուղևորների ինքնությունը՝ նրանք են Վահան Երիցյանը և Հարություն Երզնկյանը, որոնց մարմիններն էլ փնտրվում են: Դեպքի առթիվ Լոռու մարզի քննչական բաժնի Գուգարքի բաժանմունքում հարուցվել է քրեական գործ ՀՀ քր.օր.-ի 242 հոդվածի 3-րդ մասի հատկանիշներով։ Կատարվում է նախաքննություն։
Ողջ աշխատանքներին ներկա էին ոստիկանության Լոռու մարզային վարչության պետ Անուբախ Համբարյանը, Լոռու մարզի քննչական բաժնի պետ Գագիկ Իսպիրյանը։ Հետաքրքրասեր քաղաքացիներին հեռացնելու և տրանսպորտային երթևեկը կարգավորելու համար տարածքում աշխատում էին նաև Լոռու մարզի ճանապարհային ոստիկանները՝ գլխավորությամբ պետի տեղակալ Կամո Կարապետյանի։
Մենք հետևում ենք գործողությունների զարգացմանը, և նոր տեղեկություններ ստանալուն պես այն կհաղորդենք։
Հ.Գ. Քիչ առաջ մենք կրկին կապվեցինք ԼՄՓ վարչության պետ Հրաչ Անտոնյանի հետ, ով փոխանցեց, որ այսօր ևս փրկարարները իրականացրել են որոնողափնտրողական աշխատանքներ, սակայն աշխատանքներն արդյունք չեն տվել:
Մենք հետևում ենք գործողությունների զարգացմանը, և նոր տեղեկություններ ստանալուն պես այն կհաղորդենք։
Հ.Գ. Քիչ առաջ մենք կրկին կապվեցինք ԼՄՓ վարչության պետ Հրաչ Անտոնյանի հետ, ով փոխանցեց, որ այսօր ևս փրկարարները իրականացրել են որոնողափնտրողական աշխատանքներ, սակայն աշխատանքներն արդյունք չեն տվել:
Հեղինակ՝ ԷԴՎԱՐԴ ԱՐԶՈՒՄԱՆՅԱՆ
Լուսանկարները՝ հեղինակի
0 коммент.:
Post a Comment
Note: Only a member of this blog may post a comment.